1995-ci il sentyabr ayının 18-də görkəmli Azərbaycan bəstəkarı, Azərbaycan milli operasının banisi, istedadlı musiqişünas-alim, publisist və pedaqoq Üzeyir Hacıbəyovun anadan olmasının 110 ili tamam olur.

Azərbaycanın musiqi mədəniyyətinin inkişafında misilsiz xidmətlərini nəzərə alaraq Üzeyir Hacıbəyovun anadan olmasının 110 illik yubileyinin dövlət səviyyəsində keçirilməsini təmin etmək məqsədilə qərara alıram:

1. Yubiley tədbirlərinin hazırlanması və keçirilməsi üçün aşağıdakı tərkibdə Təşkilat Komitəsi yaradılsın:

Təşkilat Komitəsinin sədri

Elçin Əfəndiyev — Azərbaycan Respublikası Baş nazirinin müavini

Təşkilat Komitəsi sədrinin müavinləri

Tofiq Quliyev — Azərbaycan Bəstəkarlar İttifaqının sədri

Anar Rzayev — Azərbaycan Yazıçılar Birliyinik sədri

Təşkilat Komitəsinin üzvləri

Rəfael Allahverdiyev — Bakı şəhəri İcra hakimiyyətinin başçısı

Həsən Həsənov — Azərbaycan Respublikasının xarici işlər naziri

Fatma Abdullazadə — Azərbaycan Respublikası Prezident Aparatının humanitar siyasət şöbəsinin müdiri

Polad Bülbüloğlu — Azərbaycan Respublikasının mədəniyyət naziri

Lidiya Rəsulova — Azərbaycan Respublikasının təhsil naziri

Sabir Rüstəmxanlı — Azərbaycan Respublikasının mətbuat və informasiya naziri

Eldar Salayev — Azərbaycan Respublikası Elmlər Akademiyasının prezidenti

Babək Məmmədov — Azərbaycan Dövlət Teleradio Verilişləri: Şirkətinin sədri

Nazim İbrahimov — «Azərbaycan» nəşriyyatının baş direktoru

Fərhad Bədəlbəyli — Azərbaycan Dövlət Musiqi Akademiyasının rektoru

Bəkir Nəbiyev — Azərbaycan Respublikası Elmlər Akademiyasının Ədəbiyyat, dil və incəsənət bölməsinin akademik-katibi

2. Bu sərəncamdan irəli gələn məsələlərin həlli Azərbaycan Respublikasının Nazirlər Kabinetinə tapşırılsın.

Heydər ƏLİYEV,
Azərbaycan Respublikasının Prezidenti

Bakı şəhəri, 1 sentyabr 1995-ci il.
                  № 210